ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA)
ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) යනු රජයේ ප්‍රමුඛ තොරතුරු තාක්ෂණ නියෝජිතායතනයයි. 2003 අංක 27 දරන තොරතුරු හා සන්නිවේදන තාක්ෂණ පනතට අනුව, (ICT පනත) 2008 අංක 33 දරන පනත මගින් සංශෝධිත, තොරතුරු හා සන්නිවේදන තාක්ෂණ සම්බන්ධ රජයේ ප්‍රතිපත්ති සහ ක්‍රියාකාරී සැලැස්ම ක්‍රියාත්මක කිරීමට අවශ්‍ය සියලුම ක්‍රියාමාර්ග ගැනීමට මෙම ආයතනයට බලය පවරා ඇත. තොරතුරු හා සන්නිවේදන තාක්ෂණ පනතේ 6 වැනි වගන්තියට අනුව, තොරතුරු හා සන්නිවේදන තාක්ෂණ පිළිබඳ ජාතික ප්‍රතිපත්තිය සැකසීමේදී අමාත්‍ය මණ්ඩලයට සහාය වීම සහ එය සැකසීම සඳහා අවශ්‍ය සියලු තොරතුරු සැපයීම සඳහා ප්‍රමුඛ ආයතනයකි. ICTA යනු 2004 සිට 2011 දක්වා ලෝක බැංකුව විසින් අරමුදල් සපයන ලද e-Sri Lanka සංවර්ධන ව්‍යාපෘතිය ක්‍රියාවට නැංවීම සඳහා සකස් කර ක්‍රියාත්මක කරන ලද ශ්‍රී ලංකා රජයට පූර්ණ හිමිකාරීත්වයක් ඇති ආයතනයකි. e-Sri Lanka සංවර්ධන ව්‍යාපෘතිය හරහා තොරතුරු තාක්ෂණය හරහා ශ්‍රී ලංකාවේ ආර්ථිකය දියුණු කිරීමට, දරිද්‍රතාවය අවම කිරීමට සහ ශ්‍රී ලංකාවේ ජනතාවගේ ජීවන තත්ත්වය ඉහළ නැංවීම මෙහි මූලික අරමුණු වේ.
වර්තමානයේ මෙම ආයතනය වෙළඳපල ක්‍රියාවලීන් සහ රාජ්‍ය යාන්ත්‍රණය සරල කිරීමත් සමඟ කාර්යක්ෂම සහ පුරවැසි කේන්ද්‍රීය සේවා සැපයීම ඇතුළුව ජාතික ප්‍රමුඛතා සඳහා ජාතික මට්ටමේ මාර්ගෝපදේශ සහ සම්බන්ධීකරණය සැපයීම සඳහා දායකත්වය දක්වමින් දැනුම හුවමාරු කිරීමේ මෙවලමක් ලෙස තොරතුරු තාක්ෂණය භාවිතා කරමින් ඩිජිටල් පාලනය පුළුල් කිරීම; ජාත්‍යන්තර ඊ-වාණිජ්‍යය සහ ඊ-ගෙවීම් පද්ධති ස්ථාපිත කිරීම සහ නව නීති සහ ආයතනික රාමු සැලසුම් කිරීම දත්ත ආරක්ෂණය, සයිබර් ආරක්ෂණය සහ බුද්ධිමය දේපළ අයිතිවාසිකම් සුරැකීම වැනි කටයුතු සිදු කරනු ලැබේ.
තොරතුරු තාක්ෂණ නියෝජිතායතනය සතුව රාජ්‍ය අංශයේ, පෞද්ගලික අංශයේ, රාජ්‍ය නොවන අධ්‍යයන පසුබිම් සහිත පළපුරුදු වෘත්තිකයන් පිරිසක් සිටින අතර, ඔවුන් කළමනාකරුවන්, උපදේශකයින් සහ ප්‍රවීණයන් ලෙස එක්ව තොරතුරු හා සන්නිවේදන තාක්ෂණ සක්‍රීය කිරීම තුළින් ජාතියට අවශ්‍ය වර්ධනයට උපකාර කරයි.
වෙබ් අඩවිය: https://www.icta.lk